تميز الشاعر راشد الخلاوي بعلم الفلك وقد قام بحساب موسم النجوم وقد كتب قصيدة يحسب بها الايام
ونترككم مع القصيدة
قال الخلاوي والخـلاوي راشـد=عمر الفتى عقب الشباب يشيـب
حسبت أنـا الأيـام بالعـد كلهـا=ولاكل من عد الحسـاب يصيـب
حساب الفلك بنجم الثريا مركـب=يحـرص لـه الفـلاح والطبيـب
فالى صرت بحساب الثريا جاهـل=ترى لهـا بيـن النجـوم رقيـب
اليغابـت الثريـا تبيـن رقيبهـا=وإلى طلعت ترى الرقيـب يغيـب
وإلى قارن القمر الثريـا بحـادي=بعد أحد عشر عقب القران تغيب
وسبع وسبع عد له بعـد غيبتـه=هذيك هي الكنه تكـون مصيـب
ومن بعدها تطلع وبها القيظ يبتدي=وتاتي بـروق ولايسيـل شعيـب
والى مضي خمسٍ وعشرين ليلـة=ثقل القنا من فوق كـل عسيـب
وتطلع لك الجوزا وهي حنة الجمل=وتأتي هبايـب والسمـوم لهيـب
وإلى مضي خمسٍ وعشرين ليلـه=يطلع لك المـرزم كقلـب الذيـب
وإلى مضي خمسٍ وعشرين ليلـة=يضهر سهيل مكـذب الحسيـب
وإلى مضي خمسٍ وعشرين ليلـة=تلقي الجـوازي طردهـن تعيـب
وإلى مضي خمسٍ وعشرين ليلـة=ليلـة نهـار وتجتلـد وتلـيـب
وإلى مضي خمسٍ وعشرين ليلـة=لاتأمـن المـا صيبـه يصــــــــــيـب
الأحد أبريل 19, 2009 10:20 am